قانون الشغل

 

زمان ومكان الوفاء بالأجر

بعد أن تحدثنا على زمان ومكان الوفاء بالأجر في هذا الجزء غادي نهضرو على إثبات الوفاء بالأجر .. هاد الإثبات كيتم بواسطة 3 وسائل :
1- ورقة الأداء : هي واحد الورقة كيعطيها المشغل للأجير كيكون فيها مجموعة ديال البيانات وخاص يتذكر فيها سمية الأجير والصنف المهني ديالو ( هضرنا على الصنف المهني سابقا) وخاصها تتضمن مبلغ الأجر والتاريخ لي بدا فيه الأجير الخدمة في المقاولة .
والمشرع المغربي في حالة إلا ناض شي صداع بين الأجير والمشغل حول الأجر اعتبر هاد الورقة قرينة بسيطة للأداء والأجير عندو الحق يطعن فيها .
2- دفتر الأداء : هو دفتر عادي كيشريه المشغل و كيعطيه لمفتش الشغل باش يوقع عليه وهاكا كتتفداو الغش لي ممكن يصدر عن المشغل .



↚

 حتى الأجير كيوقع في هاد الدفتر ولكني مني كيتسلم الأجر .
باش منساوش المشغل ملزم باش يخلي عندي دفتر الأداء لمدة 2 سنوات ( لأن أجر الأجير يتقادم بعد سنتين) .
3- توصيل تصفية كل حساب : هذا التوصيل كيعطيه المشغل للأجير باش يوقع عليه ويعاود يرجعو للمشغل .. هنا إلا وقع الأجير راه كيجزم بلي خدا فلوسو كاملة وبلي صفا حسابو مع المشغل وعندو فقط 60 يوم كمهلة للطعن في هاد التوصيل وداكشي لي فيه .
هاد التوصيل خاص تكون فيه مجموعة ديال البيانات بحال :
-المبلغ المدفوع كامل
-المشغل خاصو يبين للأجير بلي عندو أجل 60 يوم للطعن في الوصل .

==> ولكن بلاتي : شنو نديرو في الحالة لي كيكون فيها الأجير أمي ؟؟
- الأمي في نظر القضاء المغربي هو لي مكيعرفش يقرأ اللغة لي تكتب بيها العقد والمشرع فرض على المشغل يدير نسخة من العقد بالعربية .

تعديل المقال